Hong Kong Trip - Day3

果日諗住要去蜡像馆，所以咪去中环食早餐。原来去山顶条路冇乜嘢食既，最后就去咗太子果度既一间canteen。

牛扒蛋治 + 冻啡 = $26

健康早餐 $22 + 萝卜糕 $18 + 热朱古力 $15 = $55

叮叮车

上太平山顶既缆车

好蒙呀

蜡像馆第一个蜡像，Jeffrey!






Twins,一个就快进入历史既名字

响山顶买咗呢樽Starbucks - Frappuccino,好饮！

缆车落山风景

参观完蜡像馆，跟住就搭地铁去铜锣湾shopping! 未去shopping之前梗要医饱果肚先。去咗间上海料理，都几唔错下。

有冇人可以话我知，第一只字点读？

菜肉云吞，猪扒烩面，蔬菜烩面

青菜饺子

有人话，嚟香港shopping一定要去时代广场Time Square

行到攰喇，去义顺牛奶公司叹下午茶

双皮炖奶，西多士

鲜奶汁咖啡，杏仁汁鲜奶

果日係情人节，本来约咗朋友去南丫岛食海鲜，点知食唔成。于是就去庙街食“打冷”。


好多谢jessica 同 barrie 咁热情款待

烧乳鸽

卤水豆腐

冬菇鸡煲仔饭 （去庙街，到处都有煲仔饭）

Angeline话想去庙街睇粤曲，实际上，庙街已经冇D咁既嘢。果度有既净係一班乐龄人士响度唱K。呢个aunty仲行埋嚟同我收钱，“先生，唔该支持下丫...”

情人节，一大班靓女排队等睇相。问姻缘？

吃饱冇嘢做，两对couple就响条街行，一路行到去女人街食糖水。听闻呢间糖水铺好出名架。

发记糖水

入边逼爆咁济

陈皮红豆沙，榴莲班战，杨枝金露，杂果西米露，腐竹薏米

Hong Kong Trip - Day2

第二朝早，7点就爬起身。第一样嘢梗係---早餐。落街一路行到一间比较像样既茶餐厅，铨满记。点左个极超值套餐，冻啡+火腿煎蛋+螺丝粉配芫茜皮蛋汤 = $26 抵到烂！吃饱肚之后，即刻向黄大仙出发。


D波罗油既牛油劲香滑

到达之后先发觉本来既大殿装修紧，所以我地去果个系暂时既。黎到黄大仙梗係要求返支上上签啦。真係形容唔到几十人响度求签果种壮观既场面。一支签只可以问一样嘢，所以你会见到好多人用纸笔写低。点解要抄低？因为解签係东华三院。有两层楼，每一层都有阁位解签，大约$25。

下一站就係海洋公园。过度D过山车，巡例都有玩下。其实去海洋公园最主要既目的係海豚表演。呢个係Angeline既梦想，希望这就是最好的情人节礼物。行晒成个海洋公园真係好攰，尤其是行斜路。

蔬菜pizza + 猪扒饭 + 生果

D餐具好卫生

海洋馆

我地黄昏离开，去到星光大道-尖沙咀，时间岩岩好。最衰个相机唔够电，所以冇乜影相。就咁样沿住条街一路行到天星码头。差唔多七点半，已经有好多人霸个靓位睇幻彩咏香江

香江夜景

星光大道 + 前九广铁路钟楼

幻彩咏香江

Guardian?? Mannings??

街头夜景

跟住就係宵夜直落食火锅。我地咁中意食火锅，点会错过香港打边炉。其实未到香港之前都有睇下，发觉呢间都几唔错兼近我地住既地方。我真係估唔到已经夜晚11点仲要要排隊輪位，好彩都几快。夜晚有特价，我地諗都唔諗一轮咀嗌咗好多嘢。个aunty好担心我地食唔晒，唯有取消几件。当D嘢送嚟个阵，我终于明白aunty 既苦心。由于Angeline係素食者，所以我地諗住一个人嗌4样应该OK既，点知原来个份量係咁大份。D豆腐，腐皮，肉丸有十件，最夸张係个蔬菜，$35但係成个菜篮咁大，仲係有好多唔同既青菜。第一次食打边炉有番茄仔同埋西洋菜。汤底係清汤及沙爹酱。开头仲諗住好似马六甲既沙爹渌渌，其实只係带有辣味既花生酱汤，饮落其实都唔错不过食多会济。我嗌咗金瓜猪肉丸，红酒鸡肉丸，芝士墨鱼丸同埋墨鱼面。

金瓜猪肉丸 – 用金瓜包住猪肉碎。猪肉碎好香，只不过金瓜食多好济

红酒鸡肉丸 – 咬开个鸡肉丸入边有红酒，好特别

芝士墨鱼丸 – 墨鱼丸就係呢度既苏东丸（Sotong Ball），细粒D,入边有香浓芝士

墨鱼面 – 含有墨鱼汁既鱼面，要自己用手挤

想知多D?? 请游览稻香